काठमाडौं, आश्विन १० - लुक्ला बिमानस्थलमा हेलिकप्टर दुर्घटना भएको छ । एयर डाईनेस्टीको ९ ए ईएक्स कल साईन भएको हेलिकप्टर आज विहान दुर्घटना भएको हो । बिमानस्थल छेक्न लगाइएको तारमा ठोक्किएर बिमानमा आगलागी भएको थियो । हेलिकप्टरमा ५ जना सवार थिए ।


जिल्ला प्रहरी कार्यालय सोलुखुम्बुले दिएको जानकारी अनुसार हेलिकप्टरमा सवार दागेलु शेर्पा गम्भीर घाईते छन् । उनको सोलुस्थित पासाङ निकी अस्पतालमा उपचार भइरहेको छ । उनलाई थप उपचारको लागि काठमाडौं ल्याउने तयारी भइरहेको छ ।


हेलिकप्टरमा भएका क्याप्टेन अरुण मल्ल र लाक्पा शेर्ष र उनकी पत्नी अनिता शेर्पा सामान्य घाईते छन् ।


ल्यान्ड गर्ने क्रममा तारमा ठोकिएको हेलिकप्टरको पछाडिको भाग जलेको छ ।